Ymgynghoriaeth

Mae ein gwasanaeth ymgynghori wedi’i lunio i helpu a chyfarwyddo sefydliadau sy’n dymuno datblygu gwasanaeth gwybodaeth i bobl ifanc. Mae Canllaw Online yn cynnig cefnogaeth ac arweiniad drwy gyfnod cychwynnol sefydlu’r gwasanaeth a chyngor parthed cynllunio busnes, cynllunio datblygiad, polisïau, cyllideb, deddfwriaeth a chanllawiau gweithredol.

Nod Gwasanaeth Ymgynghori Prosiect “Entitlement” Canllaw Online yw arwain pobl drwy brofiad – i dywys pobl ag ychydig neu ddim gwybodaeth am wasanaethau gwybodaeth i bobl ifanc i lefel o arbenigedd, drwy gadarnhau sut y gallant gyflawni orau yr hyn sy’n ofynnol iddynt o fewn diwylliannau ac ardaloedd lleol gan ddefnyddio adnoddau lleol.

Mae Canllaw Online wedi cyflwyno ei wasanaeth ymgynghori i’r 22 Awdurdod Lleol yng Nghymru, sefydliadau gwirfoddol cenedlaethol megis Ieuenctid Cymru, Clybiau Bechgyn a Merched Cymru, YMCA, YWCA, Guides Cymru, Clybiau Ffermwyr Ifanc, SNAP Cymru, Hyfforddiant Rathborne a darparwyr annibynnol megis Prosiect Ieuenctid Penarth, Springboard, Prosiect Pobl Ifanc Gorllewin y Rhyl, Grassroots, Dr Mz, Streets, Catapult, Area 41 ac Area 43.

Mae Canllaw Online yn ymroi i ddarparu i weithwyr mewn gwasanaethau gwybodaeth i bobl ifanc ledled Cymru y medrau a’r wybodaeth angenrheidiol i gefnogi’r cynllun Canolfannau Info.

Mae gan ddarparwyr gwasanaeth y cyfle i gofrestru ar gyfer Nod Ansawdd Canllaw Online. Cyflwynwyd y cynllun hwn i Canolfannau Info er mwyn sefydlu methodoleg gyffredin yn graidd i gyflwyniad gwasanaethau gwybodaeth i bobl ifanc ledled Cymru, gan sicrhau yr arddangosir arwyddion, logos a phenawdau’r gwybodaeth ym mhob ffynhonnell gofrestredig sy’n gweithio tuag at nod ansawdd. Mae’r cysondeb cenedlaethol hwn yn darparu rhwydwaith o Canolfannau Infohawdd eu hadnabod gan bobl ifanc.