Hyfforddiant

Mewn cydweithrediad â’r Cynllun Nod Ansawdd, mae’n ofynnol i’r gweithiwr dynodedig ym mhob ffynhonnell gwblhau hyfforddiant lefel 3 RhCA yng “Nghyflwyno Gwaith Gwybodaeth i Bobl Ifanc”. Mae Canllaw Online yn cynnig cefnogaeth ac ymgynghoriaeth i gynorthwyo gweithwyr y ffynonellau parthed cyflawni’r achrediad hwn. Hyd yn hyn, mae Canllaw Online wedi cyflwyno hyfforddiant lefel 1 a 3 RhCA i 170 o weithwyr gwybodaeth yng Nghymru, gyda chyllid ychwanegol ar gael drwy’r Coleg Staff. Mae Canllaw Online yn cydweithio â’r partner Eurodesk DU ac yn cyflwyno hyfforddiant Eurodesk i’r rhwydwaith Ffynonellau Gwybodaeth.
Mae Canllaw Online hefyd yn cynnig hyfforddiant i bobl ifanc, megis “Hyfforddiant Cerdyn Gostyngiad Pris gyda Phobl Ifanc” a “Gwasanaethau ar y Rhyngrwyd i Bobl Ifanc”. Mae pob cwrs wedi’i lunio’n broffesiynol ac wedi’i gyflwyno gan hyfforddwyr profiadol a phroffesiynol.

Pecynnau Hyfforddiant Canllaw Online:

Mae’r canlynol i gyd yn enghreifftiau o becynnau hyfforddiant sydd ar gael drwy Hyfforddiant Prosiect “Entitlement”Canllaw Online:

• Cyflwyniad i Waith Gwybodaeth gyda Phobl Ifanc (RhCA Lefel 1)
• Cyflwyno Gwaith Gwybodaeth i Bobl Ifanc (RhCA Lefel 3)
• Gwasanaethau Gwybodaeth ar y Rhyngrwyd i Bobl Ifanc
• Ymgynghori â Phobl Ifanc yng nghyd-destun Gwasanaethau Gwybodaeth
• Hyfforddiant Cerdyn Gostyngiad Pris gyda Phobl Ifanc
• Medrau Ysgrifennu i Bobl Ifanc

Mae cynnwys y pecynnau hyfforddiant uchod yn adlewyrchu rhai o’r meini prawf gwasanaeth sy’n ofynnol gan Gynllun Nod Ansawdd Canllaw Online er mwyn gweithio fel Canolfan INFO Canllaw Online gofrestredig.

Mae Canllaw Online yn adolygu ei waith yn y maes hwn yn barhaus ac mae ganddo grwp llywio cenedlaethol sy’n rhannu arfer dda ac yn trafod materion a godir ar lefelau rhanbarthol a lleol. Mae’r grwp hwn yn cwrdd bob chwarter.