Mae’r wefan Doeth1520 yn rhoi mynediad i bobl ifanc i’r wybodaeth angenrheidiol pryd bynnag y mae ei hangen arnynt. Wedi’i diweddaru’n ddyddiol, y mae’n rhoi iddynt fynediad i’r newyddion a’r gwybodaeth ddiweddaraf. Mae’r wefan yn cynnwys cyfres o gronfeydd data, gan ei gwneud yn ddeinamig ac yn hygyrch. Categoreiddir y wybodaeth ym Mynegai Gwybodaeth Canllaw Online a gellir chwilio amdani drwy benawdau ac allweddeiriau.

Mae’r brif gronfa ddata gwybodaeth yn cynnwys dros 370 o bynciau gwybodaeth a thros 600 o gysylltiadau â sefydliadau perthnasol. Mae personoli yn golygu bod pobl ifanc yn gallu cael mynediad i wybodaeth sydd wedi’i theilwra i gwrdd â’u diddordebau, eu hoedran a’u lleoliad daearyddol arbennig.

Yr oedd gwefan Doeth1520 Canllaw Online yn rownd derfynol ranbarthol Gwobrau E-fasnach y DU 2002 ac yn rownd derfynol Her yr Ifanc Byd Eang a gynhaliwyd yn Rhufain ym mis Rhagfyr 2002.

Mae gan y wefan yr adrannau canlynol:

Newyddion – newyddion dyddiol, yn cynnwys penwythnosau a gwyliau banc, o bob man yn y Byd, Ewrop, y DU a Chymru. Mae hon yn adran hanfodol, sydd yn rhoi’r hysbyiaeth ddiweddaraf i bobl ifanc am yr hyn sy’n digwydd yn lleol yn ogystal ag ehangu gorwelion. Mae hefyd yn golygu bod Canllaw Online yn cadw golwg ar y newyddion yn barhaus am unrhyw newidiadau i ddeddfwriaeth neu gwybodaeth, a golyga hynny ein bod yn gallu cadw i ddiweddaru’r gronfa ddata gwybodaeth yn gyson. Cynhyrchir tua 1,456 o erthyglau newyddion bob blwyddyn.

Erthyglau nodwedd – bob wythnos postir erthygl nodwedd newydd, yn rhoi gwybodaeth i bobl ifanc am fater cyfredol megis pwysau arholiadau yn y Gwanwyn, teithio yn yr Haf, diogelwch personol yn yr Hydref pryd y bydd y clociau’n mynd yn ôl, a chwaraeon a maeth yn y Flwyddyn Newydd. Rhydd yr erthyglau hyn wybodaeth gefndirol a chysylltiadau â sefydliadau arbenigol lle y gall pobl ifanc gael mwy o wybodaeth. Mae rhai o’r erthyglau nodwedd hyn wedi’u hysgrifennu gan bobl ifanc. Cynhyrchir tua 52 o erthyglau bob blwyddyn.

Cystadlaethau – mae cystadlaethau yn denu pobl ifanc i’r wefan, a chan fod yr ateb i’r cwestiwn bob amser yn yr erthygl nodwedd, yn rhoi gwybodaeth iddynt. Mae cystadlaethau blaenorol wedi cynnwys ymweliad â’r Cynulliad i gwrdd â Jane Davidson, y Gweinidog Addysg a Dysgu Gydol Oes, ymweliad â Brwsel gydag Eurig Wyn ASE, setiau o lyfrau gan Scholastic a thocynnau i wyl haf. Cynhelir tua 52 o gystadlaethau bob blwyddyn.

Pleidlais – bob wythnos byddwn hefyd yn gofyn i bobl ifanc am yr hyn y maent yn ei feddwl drwy’r bleidlais. Ar y cyfan, bydd y rhain wedi’u cysylltu â phwnc yr erthygl nodwedd, ond weithiau byddant yn gysylltiedig â’r hyn sy’n cael ei drafod yn y cyfryngau. Byddwn hefyd yn cynnal pleidlais ar yr Ewro yn rheolaidd. Cynhelir tua 52 o bleidleisiau bob blwyddyn.

Sgwrsio a Fforwm – mae ystafell sgwrsio Canllaw Online yn unigryw gan ei bod yn rhoi cyfle i bobl ifanc siarad yn uniongyrchol ag arbenigwyr am faterion penodol. Unwaith eto yn gysylltiedig â phwnc yr erthygl nodwedd, mae pobl ifanc hyd yma wedi cael cyfle i holi ymgeiswyr y Cynulliad o’r holl brif bleidiau gwleidyddol wythnosau cyn yr etholiad, arbenigwr teithio o Gyhoeddiadau Lonely Planet, arbenigwr haul diogel o Cancer Research UK, arbenigwyr iechyd rhyw o Ysbyty Brenhinol Gwent ac Ymgynghorydd Gyrfaoedd Cymru. Rhydd y fforwm gyfle i bobl ifanc ddatgan eu barn am yr hyn sydd yn y newyddion, y bleidlais neu unrhyw beth arall. Cymedrolir y sgwrs a’r fforwm. Cynhelir lleiafswm o 52 o sgyrsiau bob blwyddyn.

Beth sydd yn digwydd – rhestr o ddigwyddiadau ledled Cymru.

Llinellau Cymorth – mae fersiynau e-bost o linellau cymorth Cyngor Cyfreithiol a Chefnogaeth Bersonol ar gael.

Canolfannau INFO – rhestr o’r canolfannau INFO ledled Cymru, gyda’u manylion cyswllt a’u cyfeiriadau, i helpu pobl ifanc i ddod o hyd i’r ganolfanl agosaf.

Gostyngiadau Pris – rhestr o ddarparwyr gostyngiadau Ewro<26 yn ôl enw, gan roi manylion am y cynigion sydd ar gael i berchnogion cardiau. Mae tua 300 o ostyngwyr pris yng Nghymru.

Islwythiadau – lle y gall pobl ifanc lwytho i lawr gopïau o gyhoeddiadau a dogfennau a grëir gan Canllaw Online, megis canllawiau ar gyfer awduron ifanc.

Amdanom ni – Gwybodaeth am Canllaw Online

Cysylltiadau – rhestr o dros 600 o uwchgysylltiadau i fynd â’r defnyddiwr i wefannau defnyddiol eraill sy’n berthnasol i bynciau diddordeb arbennig. Caiff cysylltiadau eu graddio o ran manylrwydd a gwybodaeth, diogelwch, hygyrchedd a dwyieithrwydd.

Ewch i wefan 1520 Canllaw Online yn
www.doeth1520.info