Nod Canllaw Online yw dod â gwell dewisiadau bywyd i bobl ifanc ledled Cymru drwy ddarparu mynediad i wasanaethau gwybodaeth o ansawdd. Cyflawnir hyn drwy well gwasanaethau cyflwyno gwybodaeth i hybu ymwybyddiaeth a datblygiad rhyng-ddiwylliannol, a symudedd, cyfranogiad, mynegiant a chydraddoldeb ieuenctid.

Adlewyrchir a thanategir y gwerthoedd a’r egwyddorion craidd hyn gan Ddatganiad Cwricwlwm Gwaith Ieuenctid ar gyfer Cymru (1993), Siarter Wybodaeth Ieuenctid Ewrop, Papur Gwyn Ewrop ar Ieuenctid (2001) a Chytundeb y Cenhedloedd Unedig ar Hawliau’r Plentyn (a fabwysiadwyd yn y DU ym 1991), sy’n cefnogi hawl pobl ifanc i wybodaeth.

Mae Canllaw Online yn ymrwymedig i ymgynghori â phobl ifanc ledled Cymru a’u cynnwys ym mhob cyfnod o’r broses gwybodaeth drwy gyfrwng cyrsiau preswyl rheolaidd, sesiynau grwp ffocws, arolygon a gweithgareddau.

Sefydliad dwyieithog yw Canllaw Online, sy’n cynnig gwybodaeth yn Gymraeg ac yn Saesneg. Mae’r Cynllun Iaith Gymraeg gwirfoddol a fabwysiadwyd gan Canllaw Online wedi’i gymeradwyo gan y Bwrdd Iaith Cymraeg yn unol â Deddf Iaith Gymraeg (1993).

Gyda llywodraeth wedi’i datganoli, a chyfleoedd ariannu strwythuredig, dwyieithrwydd a chymdeithas aml-ddiwylliannol, mae Cymru yn fan lansio gwych ar gyfer mentrau cyflwyno gwybodaeth a chyfleodd y mae ar bobl ifanc eu hangen er mwyn gwneud gwell dewisiadau bywyd, a Canllaw Online yw y bobl i wireddu’r cynlluniau hyn.

Os marw un Dyn yn anwybodus ac yntau â’r gallu i feddu gwybodaeth, hyn a alwaf yn drychineb. Thomas Carlyle (1795 - 1881)