> Cyflogaeth & Hyfforddiant

2 Cyflogaeth & Hyfforddiant

Dyma’r amser... Wyt ti’n chwilio am waith neu am newid cyfeiriad? Anodd yw cael dy droed ar ysgol cyflogaeth, felly cynllunia’n dda a chipia swydd dy freuddwydion. Gyda chynifer o gyfleoedd a chymorth wrth law, gosoda dy nod yn uchel a cher amdani. O ble bynnag rwyt ti’n dod ac i ble bynnag rwyt ti’n mynd… bydd yn fedrus a thafla dy hun i ddwylo rhagluniaeth. Cyn iti gychwyn… Mae gen ti ddoniau, egni a brwdfrydedd. Mynna gael blas er mwyn cael gwybod beth ydy beth. Mae profiad gwaith yn gyfle gwych i gael gwybod ydy swydd yn apelio atat ti neu beidio! Fe gei di ailfeddwl wedyn neu fynd amdani. Mae’n dda hefyd gael dy droed i mewn, mewn ffordd a all arwain at swydd barhaol. Os wyt ti’n mynd i flwyddyn 12 mewn ysgol neu goleg, fel arfer fe fydd dy ysgol yn cynnig profiad gwaith i ti. Mae cyrsiau coleg a phrifysgol yn aml yn cynnig profiad gwaith. Neu, cysyllta â’r cwmni mae gen ti ddiddordeb ynddo yn uniongyrchol a holi sut i fynd o’i chwmpas, ond paid â disgwyl tâl. Fe all Gyrfa Cymru gynnig cyngor iti am gwmnïau sy’n cynnig profiad gwaith. Cychwyn… Cer at www.activate.co.uk i weld sut i lunio CV yn yr adran ar yrfaoedd. Fe gei di lunio CV, gweld esiampl, defnyddio’r templed, argraffu copi a’i anfon o'r safle!

Cysylltiadau
	BBC Onelife
	Rhagor o wybodaeth ar CV, ceisiadau a llythyrau eglurhaol

	Help Yourselves
	Mae gwefan Help Yourselves wedi’i hanelu at bobl ifanc ac ymarferwyr i ddarparu cefnogaeth a chyfarwyddyd fel bod nhw’n gallu cyfrannu at y gymdeithas leol; gan gynnwys cyfleodd nawdd o hyd at £1000 ar gyfer prosiectau sydd eisiau dod i’r afael â diogelwch yn y gymuned, cyfleusterau chwaraeon a hamdden neu’r amgylchedd.

bos

Fel rhan o brosiect Potentia a noddir gan Awdurdod Datblygu Cymru a'r UE, caiff BOS ei gweithredu mewn partneriaeth rhwng Menter a Busnes, Cwmni Datblygu Economaidd profiadol, a'r Tredegar Development Trust. Nod Menter a Busnes, ers ei sefydlu ym 1989, yw ysbrydoli'r Cymry, a siaradwyr Cymraeg yn benodol i fod yn fwy entrepreneuraidd a chwarae rhan fwy gweithredol o fewn yr economi. Mae elfennau o waith y cwmni i'w gweld ym meysydd datblygu economaidd, adfywiad a hyfforddiant.

	Gyrfa Cymru
	Cymer olwg ar eu gwefan am fanylion dy gwmni gyrfaoedd lleol ble alli di gael cymorth a chyngor ar gwneud dewisiadau ynglŷn â gyrfaoedd 0800 100 900