Mae’n bur debyg nad wyt ti hyd yn oed wedi meddwl amdano, ond yn anffodus mae miliynau’n syrffio bob eiliad a dyw pob un ddim yn annwyl a serchog. Ceisia d’amddiffyn dy hunan gyda’n rheolau syml.

• Paid â bod yn bersonol - Bydd yn ofalus os bydd angen i ti roi dy enw, dy gyfeiriad, dy rif ffôn neu unrhyw ddarn arall o wybodaeth bersonol. Weithiau mae rhaid i ti wneud os wyt ti’n siopa ar-lein ac ati, ond bydd yn synhwyrol, Os gofynnan nhw am ragor o wybodaeth bersonol, cer i rywle arall, mae digon o wefannau eraill i ddewis o’u plith.
• Cystadleuthau - Bydd yn ofalus os byddi di’n cymryd rhan mewn cystadleuaeth ac ati, fe allet fod yn arwyddo dy enw ar gyfer cael gwasanaethau nad wyt ti’n eu dymuno.
• Llwytho rhaglenni - Craffa ar y telerau a’r amodau, efallai y bydd yn dweud ’am ddim’ ar y wefan ac fe allen nhw ddweud fel arall!
• Difrïo - Os derbynni di unrhyw beth difrïol, rho wybod.
• Cysylltiadau - Os cei di e-bost oddi wrth rywun nad wyt yn ei adnabod, paid ag agor y cysylltiad neu atodiad, fe allai fod yn firws cyfrifiadurol neu’n wefan anaddas.
• Ffotos - Paid ag anfon ffoto at neb, heb fod yn hollol si r yngl n ag ef yn gyntaf, ac os llwythi di ffoto, gofala ei fod yn dod o wefan rad a gymeradwywyd. Os derbynni di ffoto o wefan arall fe allet fynd i helbul.
• Allweddair - Cadwa dy allweddair yn gyfrinachol, paid â’i roi hyd yn oed i gyfeillion, neu fe all pobl gael mynediad i dy holl ffeiliau cyfrinachol ag ef ac mae ‘na glustiau a llygaid ym mhobman.
• Parch - Mynna barch atat ti dy hun a’i ddangos i eraill.
• Bydd yn hapus - Paid â rhoi mwy o wybodaeth allan nag rwyt ti’n hapus i wneud. Os oes gan wefan faes gorfodol sy raid ei lenwi, a dwyt ti dim yn teimlo fod hynny’n angenrheidiol, cer i rywle arall. Cyn ei lenwi, defnyddia dy ben.
• Diogelwch cerdyn credyd - Wrth archebu neu roi manylion dy gerdyn credyd gofala fod symbol diogelwch cerdyn credyd ar y wefan. Mae’n edrych fel clo melyn ac mae’n golygu y bydd dy fanylion yn ddiogel.
• Bancio ar-lein - Gofala fod y wefan yn ddiogel.